Թրամփը հայտնել է, որ ԱՄՆ-ը և Իրանը երկու օր շարունակ հակամարտության կարգավորման շուրջ արդյունավետ բանակցություններ են վարել
ԵՐԵՎԱՆ, 23 մարտի․/Նովոստի–Արմենիա/․ Ամերիկացի զինվորականները ժամանակավորապես կդադարեցնեն հարվածները իրանական էլեկտրակայաններին և էներգետիկ ենթակառուցվածքներին Վաշինգտոնի և Թեհրանի միջև արդյունավետ բանակցությունների ֆոնին։ Այդ մասին մարտի 23-ին հայտնել է ԱՄՆ նախագահ Դոնալդ Թրամփը։
«Ես հրահանգել եմ ռազմական դեպարտամենտին հնգօրյա ժամկետով հետաձգել ցանկացած հարված իրանական էլեկտրակայանների և էներգետիկ ենթակառուցվածքների ուղղությամբ», — գրել է ԱՄՆ նախագահը Truth Social սոցցանցում։
Թրամփը նաև հայտնել է, որ ԱՄՆ-ը և Իրանը երկու օր շարունակ հակամարտության կարգավորման շուրջ արդյունավետ բանակցություններ են վարել։
Նրա խոսքով՝ հարվածների դադարեցման գլխավոր պայմաններից մեկը իրանական կողմի հետ «հետագա հանդիպումների և քննարկումների հաջողությունն է»։