Կուբան թույլտվություն չի տրամադրել ԱՄՆ դեսպանատանը վառելիք ներմուծելու համար։ գրել է «Washington Post»-ը՝ հղում անելով դիվանագիտական աղբյուրներին։
Վառելիքն անհրաժեշտ է դիվանագիտական առաքելության գեներատորները գործարկելու համար։ Այս քայլն արվել է ի պատասխան Վաշինգտոնի կողմից նավթային շրջափակման։
Դիվանագիտական ներկայացուցչությանը ուղարկված նոտայում Կուբայի արտաքին գործերի նախարարությունը ընդգծել է, որ Վաշինգտոնի շրջափակումը նպատակ ունի «հնարավորինս մեծ վնաս հասցնել Կուբայի տնտեսությանը, ժողովրդի բարեկեցությանը և նրանց կենսամակարդակին»։
Երեքշաբթի օրը ԱՄՆ-ից Մարիել նավահանգիստ առաքված վառելիքի երկու կոնտեյներ կալանավորվել են տեղական իշխանությունների կողմից։ Ի պատասխան՝ դեսպանատունը զգուշացրել է Պետդեպարտամենտին անձնակազմը մայիսին կրճատելու անհրաժեշտության մասին, եթե իրավիճակը չլուծվի։
Կուբան հունվարից ի վեր զրկված է նավթի հիմնական մատակարարումներից, և երկիրը ապրում է լուրջ էներգետիկ ճգնաժամ, որն ուղեկցվում է էլեկտրաէներգիայի զանգվածային անջատումներով։