Բելգիայի վարչապետ Բարտ դե Վևերը հայտարարել է, որ Ռուսաստանի հետ հարաբերությունները կարգավորելու իր կոչը վերաբերում է խաղաղության համաձայնագրից հետո ընկած ժամանակահատվածին: Վևերը Մոսկվայի հետ բանակցությունների անհրաժեշտության վերաբերյալ իր մեկնաբանությունները բացատրել է նրանով, որ «Եվրոպան պետք է լինի բանակցությունների սեղանի շուրջ»։
«Ռուսաստանի հետ հարաբերությունների կարգավորումը, որի մասին ես խոսել եմ, վերաբերում է այն հիպոթեզին, համաձայն որի խաղաղության համաձայնագիր է կնքվել»,- ասել է նա Բրյուսելում ԵՄ գագաթնաժողովի մեկնարկից առաջ։
Վևերը պարզաբանել է, որ Մոսկվայի հետ երկխոսության կոչը վերաբերում է «Եվրոպայի՝ բանակցային սեղանի շուրջ լինելու անհրաժեշտությանը»։
դիտվել է 66 անգամ