Կառավարության ճեպազրույցի ժամանակ վարչապետ Նիկոլ Փաշինյանն անդրադարձավ հարցին, թե Իրանի Իսլամական Հանրապետությունը հումանիտար օգնության համար դիմե՞լ է Հայաստանին, և եթե չի դիմել, Հայաստանը սեփական նախաձեռնությամբ օգնություն ուղարկելո՞ւ է Իրան:
«Իրանի Իսլամական Հանրապետությունը հումանիտար հարցով մեզ դիմելու անհրաժեշտություն չունի, որովհետև եթե տեսնենք, որ կա որևէ կարիք՝ հումանիտար բնույթի, որ մենք կարող ենք աջակցել, մենք կանենք այդ քայլը»,- ասաց նա: