Թուրքիայի պաշտպանության նախարարությունը հայտարարել է, որ Իրանից արձակված բալիստիկ հրթիռը, որը մտել էր Թուրքիայի օդային տարածք, վնասազերծվել է ՆԱՏՕ-ի հակաօդային և հակահրթիռային պաշտպանության համակարգերի միջոցով, որոնք տեղակայված են Արևելյան Միջերկրականում։ Գերատեսչության հայտարարությունը փոխանցել է AFP գործակալությունը։
Ավելի վաղ Թուրքիայի Ինջիրլիք ավիաբազայում՝ ՆԱՏՕ-ի կարևոր ռազմաբազայում, որտեղ տեղակայված են ամերիկյան զինված ուժեր և որը գտնվում է Ադանա քաղաքի մոտ, հնչել էին օդային տագնապի ազդանշաններ, հայտնել էր Anadolu գործակալությունը։
Նշվում է, որ ՆԱՏՕ-ի հակաօդային պաշտպանության համակարգերը մարտի 4-ին խոցել էին առաջին բալիստիկ հրթիռը, որը, ըստ հաղորդումների, արձակվել էր Իրանից, իսկ երկրորդը՝ երկուշաբթի օրը։ Մինչդեռ Իրանը հերքել է իր առնչությունը այդ միջադեպերին։
Ուրբաթ օրը նաև Անկարայում Իրանի դեսպանությունը հայտարարություն է տարածել՝ նշելով, որ Թուրքիայի ուղղությամբ «ոչ մի հրթիռ չի արձակվել»։