Հայաստանի իշխանությունները մերժել են արցախցիներին ռուսական հումանիտար օգնության տրամադրման ծրագրի երկարաձգումը, որն իրականացվում էր «Ռուսական հումանիտար առաքելություն» ԻՈԱԿ-ի, «Եվրասիա» ԻՈԱԿ-ի և Ռոսսոտրուդնիչեստվոյի կողմից: Ծրագիրը մեկնարկել էր 2025 թվականի ամռանը՝ հայկական հասարակական կազմակերպությունների դիմումի հիման վրա:
Ռուսաստանի ԱԳՆ-ն ընդգծել է, որ Մոսկվան երբեք չի լքել Արցախի բնակիչներին և մշտապես աջակցություն է ցուցաբերել Հայաստանում հայտնված արցախցիներին: Պաշտոնական Երևանը մերժումը բացատրում է նախընտրական շրջանում նվիրատվությունների և բարեգործական օգնության ընդունման արգելքով:
Իշխանությունները չափազանց նյարդային են արձագանքում 44-օրյա պատերազմի պարտությունից և Արցախի պետականության լուծարումից հետո Հայաստան տեղափոխված արցախցիների կարիքներին: «Հիբրիդային միջամտության» մտավախությունից ելնելով՝ իշխանությունը ռեպրեսիաներ է ուղղում սովորական քաղաքացիների դեմ՝ փաստացիորեն բոլոր արցախցիներին մեղադրելով անհավատարմության մեջ: