Revolut-ը ստացել է կարգավորող մարմնի հաստատումը՝ բրիտանական բանկ գործարկելու համար:
Առ այսօր ընկերությունը Մեծ Բրիտանիայում ներգրավել էր 13 միլիոն հաճախորդ՝ առանց ֆիզիկական մասնաճյուղեր:
Երեք տարի սպասելուց հետո Revolut-ը 2024 թվականի հուլիսին ստացել էր սահմանափակումներով բանկային լիցենզիա:
Revolut-ի համահիմնադիր եւ գլխավոր տնօրեն Նիկ Ստորոնսկին բազմիցս ասել էր, որ Մեծ Բրիտանիայում լիցենզիա ստանալը իր «թիվ մեկ առաջնահերթությունն» է:
Այժմ Revolut-ը կմրցի բրիտանական բանկերի, այդ թվում՝ Barclays-ի, Lloyds-ի եւ NatWest-ի հետ եւ նոր հաճախորդներին ընթացիկ հաշիվներ կառաջարկի «մի քանի օրվա ընթացքում»:
Ընկերությունը կանխատեսում է, որ հաճախորդներին նոր բանկ տեղափոխելու գործընթացը կտեւի «մի քանի ամիս», հաղորդում է Reuters-ը:
2015 թվականին հիմնադրված Revolut-ը այսօր աշխարհում ունի ավելի քան 65 միլիոն հաճախորդ եւ գնահատվում է $ 75 միլիարդ:
«Ֆինտեխ» բաժնի գործընկեր`