Կապանում մեկնարկել է Սյունիքի մարզի շախմատի պատանիների 19-րդ առաջնությունը
Այսօր Կապան քաղաքում տրվել է Սյունիքի մարզի շախմատի պատանիների 19-րդ առաջնության մեկնարկը։ Մրցաշարին մասնակցում են մարզի տարբեր համայնքներից ժամանած պատանի շախմատիստներ, ովքեր հաղթահարել են համայնքային փուլերը և այժմ պայքարում են մարզային առաջնության լավագույնների շարքում հայտնվելու համար։
Առաջնությունն անցկացվում է հետևյալ տարիքային խմբերով՝
– մինչև 8 տարեկան
– մինչև 10 տարեկան
– մինչև 12 տարեկան
– մինչև 14 տարեկան
– մինչև 16 տարեկան
Առաջնության արդյունքներով լավագույն շախմատիստները կներկայացնեն Սյունիքի մարզը և կմասնակցեն Հայաստանի պատանիների առաջնության կիսաեզրափակիչ մրցաշարին։
Հատուկ շնորհակալություն ենք հայտնում Կապանի համայնքապետ Գևորգ Փարսյանին՝ առաջնության կազմակերպման և անցկացման գործում ցուցաբերած աջակցության համար։
Սյունիքի մարզի շախմատի ֆեդերացիան շնորհակալություն է հայտնում Կապանի լեռնահարստացման կոմբինատին՝ ֆեդերացիայի գործունեությանը մշտական աջակցության համար։