Ֆուտբոլի Հայաստանի գավաթի խաղարկությունում կայացել են քառորդ եզրափակիչի առաջին հանդիպումները։
Գործող գավաթակիր «Նոան» հյուրընկալվելիս 2։1 հաշվով հաղթել է «Փյունիկին»։
«Արարատ-Արմենիան» նվազագույն հաշվով ուժեղ է գտնվել Գյումրիի «Շիրակից», իսկ «Ուրարտուն» մրցակցի խաղադաշտում 3 անպատասխան գնդակ է ուղարկել «Արարատի» դարպասը։
Առաջին խմբի ներկայացուցիչներ «Սյունիքի» ու «Անդրանիկի» խաղում դարպասի գրավում չի արձանագրվել։
Հայաստանի գավաթ, քառորդ եզրափակիչ, առաջին խաղեր
«Փյունիկ» – «Նոա»՝ 1:2
Խավի Մորենո, 58 (11մ) – Վալենտին Կոստակե, 49, Հովհաննես Համբարձումյան, 67
Հեռացում՝ Էրիկ Օկանսի, 90+5 («Փյունիկ»)
«Արարատ-Արմենիա» – «Շիրակ»՝ 1։0
Ալիունե Նդուր, 45+1
«Արարատ» – «Ուրարտու»՝ 0։3
Արտեմի Գունկո, 81, 90+7, Կարեն Մելքոնյան, 90+1 (11մ)
«Սյունիք» – «Անդրանիկ»՝ 0։0