Քաղաքականություն
02.03.2026 | 20:10
Ադրբեջանի ԱԳ նախարար Ջեյհուն Բայրամով թուրք պաշտոնակից Հաքան Ֆիդանի հետ հեռախոսազրույցում անդրադարձել է տարածաշրջանում ռազմաքաղաքական իրավիճակին, Մերձավոր Արևելքում աճող լարվածության և անվտանգության ռիսկերին։ Ադրբեջանի ԱԳՆ-ի հաղորդմամբ՝ կողմերն ընդգծել են տարածաշրջանային էսկալացիայի ավելի լայն տարածման անթույլատրելիությունը և նշել հարցերը դիվանագիտական միջոցներով լուծելու կարևորությունը՝ հիմնվելով միջազգային իրավունքի նորմերի և սկզբունքների վրա։
Նախարարները շեշտել են տարածաշրջանում կայունության և անվտանգության պահպանման կարևորությունը՝ ընդգծելով, որ քաղաքացիական բնակչության և օբյեկտների անվտանգության ապահովումը գերակա խնդիր է։
Նշվել է, որ Ադրբեջանի և Թուրքիայի միջև ռազմավարական դաշնակցային հարաբերությունները դառնում են ավելի կարևոր առկա մարտահրավերների առջև, ընդգծվել է, որ երկու եղբայրական երկրները կշարունակեն սերտորեն համակարգել իրենց գործողությունները։
Թարգմանությունը՝ Էմմա Չոբանյանի