Լրագրող Թաթուլ Հակոբյանի ֆեյսբուքյան գրառումը. «Երևանն ու վեր խոյացող բազմահարկերը դատարկում են գյուղերի բնակչությունը:
Վիրավորական է ասել, որ գյուղերից Երևան է տեղափոխվում որակյալ բնակչությունը, բայց պետք է նշենք, որ հեռանում են նրանք, ովքեր ունեն բարձրագույն կրթություն:
Վերջին տարիներին գյուղերից հեռանում են նաև արհեստավորները, քանի որ Երևանում վեր խոյացող բարձրահարկերին անհրաժեշտ են վարպետներ:
Հայաստանի գյուղերում և հատկապես սահմանային գյուղերում բնակչությունը պահելու համար պետք է նախ և առաջ ստեղծել կյանքի տարրական պայմաններ, առաջին հերթին՝ լավ դպրոց:
Այն գյուղերը, որտեղ դպրոցները միավորվելու են, նրանց սպասում է ավելի արագ դատարկում: Օրինակ, եթե ճիշտ է, որ, օրինակ, Նոյեմբերյանի Ջուջևան գյուղի երեխաները մյուս ուսումնական տարվանից այցելելու են հարևան Բաղանիսի դպրոց, ապա դա ուղղակի հարված է Ջուջևան գյուղի դատարկմանը: Հիմնադրման օրվանից այդ գյուղում դպրոց կա և դպրոցը գյուղի կենտրոնն է:
Հիսուն աշակերտ ունեցող դպրոցը հարևան գյուղի դպրոցի հետ միավորելը, կարծում եմ, ճիշտ չէ:
Այն ընտանիքները, ովքեր կարողանան, գյուղից տեղափոխվելու են Երևան:
Այն ուսուցիչները, ովքեր կարողանան, գյուղից տեղափոխվելու են Երևան»: