Լրագրող Թաթուլ Հակոբյանի ֆեյսբուքյան գրառումը. «Հայաստանի նկատմամբ հոգեբանական և դիվանագիտական ճնշումները, որ այս օրերին և մինչև ընտրություններ մեղմանալու կամ հանվելու են օրակարգից, կրկին բանակցային սեղանին են դրվելու, երբ մենք հարևան հանրապետությունների պահանջով փոխենք մեր Սահմանադրությունը:
Բոլոր այն հայտարարությունները, որոնք մենք անվանել ենք ներքին լսարանին բավարարելու միջոց, ժամանակի ընթացքում դարձել են մեր արևելյան հարևանի արտաքին քաղաքականության օրակարգի մաս:
Բոլորը:
Ընտրություններից հետո առաջնային է լինելու անկլավների հարցը, որ Հայաստանը ներկայացնելու է օկուպացված Արծվաշենի վերադարձ: 250 քառակուսի կիլոմետր կորուստների մասին չեն խոսում, բայց հայ ժողովրդին խոստանում են վերադարձնել 1992-ին գրավված և ավերված Արծվաշենը:
Թե դրա դիմաց ինչ են պոկելու, գրել ենք մի քանի անգամ:
Հայաստան ադրբեջանցիների վերադարձի թեման ևս պահելու են օրակարգում: Այսօր էլ են դրա մասին խոսում, ճիշտ է՝ մի քիչ խնայում են մեզ:
Այնպես որ, ինչքան ուզում եք Արցախ-Բասարգեչար խաղացեք…»։