Քաղաքականություն
16.02.2026 | 18:10
Իրանի Հեղափոխության պահապանների կորպուսի ռազմածովային ուժերը մեկնարկել են «Հորմուզի նեղուցի խելացի վերահսկողություն» զորավարժությունները՝ գլխավոր հրամանատար, գեներալ-մայոր Պակպուրի ղեկավարությամբ, գրում է Mehr-ը։
Իրանական հեռուստատեսությունը հայտնել է, որ Հորմուզում անցկացվող զորավարժությունները ներառում են սպառնալիքներին ի պատասխան փոխադարձ ռազմական գործողությունների սցենարներ։ Նշվում է նաև, որ Հորմուզում զորավարժությունների նպատակն է՝ գնահատել ռազմածովային ուժերի օպերատիվ ստորաբաժանումների պատրաստվածությունը։
Վաղը Օմանի միջնորդությամբ տեղի կունենան Իրան-ԱՄՆ անուղղակի բանակցություններ՝ Թեհրանի միջուկային ծրագրի վերաբերյալ։
Թարգմանությունը՝ Էմմա Չոբանյանի