Իրանը հայտարարել է ամերիկյան 20-րդ MQ-1 անօդաչու թռչող սարքի ոչնչացման մասին

Բաժանորդագրվել

Հաղորդվում է, որ այն իրականացվել է ԻՀՊԿ ՀՕՊ նոր համակարգերի կիրառմամբ։

ԵՐԵՎԱՆ, 22 նոյեմբերի – Sputnik. Իսլամական հեղափոխության պահապանների կորպուսի (ԻՀՊԿ) հակաօդային պաշտպանության ուժերը հայտարարել են Հորմուզի նեղուցի արևելյան հատվածի երկնքում ամերիկյան MQ-1 անօդաչու թռչող սարքի ոչնչացման մասին։

Ինչպես հայտնում է Իրանի պետական հեռուստառադիոընկերությունը՝ վկայակոչելով ԻՀՊԿ-ին, օդային թիրախը հայտնաբերել և խոցել են կորպուսի Օդատիեզերական ուժերի հակաօդային պաշտպանության ստորաբաժանումները։

Նշվում է, որ ամերիկյան անօդաչու թռչող սարքը որսալու համար կիրառվել են իրանցի զինվորականների սպառազինության մեջ գտնվող հակաօդային պաշտպանության նոր համակարգերը։

ԱՄՆ-ն և Իսրայելը փետրվարի 28-ին սկսել են հարվածներ հասցնել Իրանի օբյեկտներին, ինչին իրանական կողմը նույնպես պատասխանել է հարվածներով: Չնայած այն հանգամանքին, որ հակամարտությունը հանդարտվել է, այն մնում է չկարգավորված։

Leave a comment