Բիշքեկի դատարանը կալանավորել է ՌՕՈւ նախկին հրամանատարին՝ 2024 թվականին Մի-8-ի կործանման գործով

Բիշքեկի դատարանը կալանավորել է ՌՕՈւ նախկին հրամանատարին՝ 2024 թվականին Մի-8-ի կործանման գործով

Ղրղզստանում կալանավորվել են օդային պաշտպանության ուժերի նախկին հրամանատար Կիլիչբեկ Այդարալիևը և ավիաբազայի նախկին հրամանատար Դանիյար Դավիտախունովը՝ 2024 թվականին Մի-8ՄՏՎ ռազմական ուղղաթիռի կործանման գործով։ Բիշքեկի Պերվոմայսկի շրջանային դատարանը որոշել է նրանց կալանքի տակ պահել մինչև 2026 թվականի դեկտեմբերի 19-ը, հայտնել է 24.kgպարբերականը։

Նախկին զինվորական հրամանատարներին մեղադրանք է առաջադրվել թռիչքների կամ դրանց նախապատրաստման կանոնները խախտելու համար։ Գործը քննվում է Ղրղզստանի քրեական օրենսգրքի 401-րդ հոդվածի 3-րդ մասով։ Ավիաաղետի հանգամանքների քննությունը շարունակվում է։

Մի-8ՄՏՎ ուղղաթիռը կործանվել է 2024 թվականի հունվարի 17-ին ուսումնամարզական թռիչքի ժամանակ, Բիշքեկի ծայրամասում գտնվող Դոստուկ գյուղի մոտակայքում, «Ֆրունզե-1» ավիաբազայի տարածքում։ Պատահարի հետևանքով մեկ զինծառայող զոհվել է, ևս տասը մարդ տուժել է։

2024 թվականի ապրիլին Ղրղզստանի զինված ուժերի գլխավոր շտաբի պետ Ռուսլան Մուկամբետովը հայտնել էր, որ կործանման պատճառ են դարձել եղանակային բարդ պայմաններն ու մարդկային գործոնը։

Leave a comment