Anthropic-ը հանրային տեղաբաշխման միջոցով ներգրավել է ռեկորդային 107,3 ​​միլիարդ դոլար

Claude արհեստական ​​բանականության մոդելի մշակող Anthropic ընկերությունը հանրային առաջնային տեղաբաշխման (IPO) միջոցով ներգրավել է 107,3 ​​միլիարդ դոլար։

Ըստ Bloomberg-ի՝ ամերիկյան այս ընկերությունը գերազանցել է SpaceX-ի սահմանած նախորդ ռեկորդը, որը կազմել էր 75 միլիարդ դոլար։

Ընդհանուր 107,3 ​​միլիարդ դոլարից 81,3 միլիարդը ներգրավվել է հանրային տեղաբաշխման միջոցով, իսկ ևս 26 միլիարդ դոլար՝ մասնավոր տեղաբաշխման (private placement) ճանապարհով։ Մասնավոր տեղաբաշխմանը մասնակցել է յոթ ընկերություն, այդ թվում՝ NVIDIA-ն և Google-ը, որոնցից յուրաքանչյուրը ներդրել է 10-ական միլիարդ դոլար։ Մյուս մասնակիցների թվում են AMD-ն (2,5 միլիարդ դոլար), Broadcom-ը (1 միլիարդ դոլար), Micron-ը (1 միլիարդ դոլար), Microsoft-ը (1 միլիարդ դոլար) և TSMC-ն (500 միլիոն դոլար)։

Ընդհանուր առմամբ, Anthropic-ը տեղաբաշխել է 956,4 միլիոն բաժնետոմս, իսկ ընկերության համահիմնադիրները վաճառել են լրացուցիչ 23,6 միլիոն բաժնետոմս՝ մեկ բաժնետոմսի դիմաց 83 դոլար գնով։ Այս գինը գերազանցել է սկզբնապես նախատեսված 70–78 դոլար միջակայքը։ Ի սկզբանե ընկերությունը նախատեսում էր տեղաբաշխել 801,4 միլիոն բաժնետոմս։

IPO-ի գլխավոր երաշխավորներն (underwriters) են եղել ամերիկյան «Goldman Sachs» բանկը և ամերիկյան «Morgan Stanley» ֆինանսական կոնգլոմերատը։ Ըստ տեղաբաշխման փաստաթղթերի՝ գործարքին մասնակցել են նաև 20 այլ բանկեր։ 

Leave a comment