25-ամյա հետախուզվողը հայտնաբերվել և ձերբակալվել է մայրաքաղաքում

Հասարակություն

17.11.2026 | 23:10

Առողջությանը ծանր վնաս պատճառելու մեղադրանքով հետախուզվող 25-ամյա տղամարդը հայտնաբերվել և ձերբակալվել է մայրաքաղաքում։

Ինչպես հայտնում է ՆԳՆ ոստիկանությունը, Քրեական ոստիկանության գլխավոր վարչությունում ստացված օպերատիվ տեղեկությունն իրացվել է Քրեական ոստիկանության Արմավիրի մարզային վարչության ծառայողների հետ համատեղ։

Հետախուզվողը Արմավիրի մարզի Քարակերտ գյուղի 25-ամյա բնակիչ է։ Նա նոյեմբերի 9-ին հայտնաբերվել է Երևանում, ձերբակալվել և տեղափոխվել Քրեական ոստիկանության Արմավիրի մարզային վարչություն։

Նրա նկատմամբ որպես խափանման միջոց է ընտրվել կալանքը։

Leave a comment