Պուտինը զսպվածություն է դրսևորում Ուկրաինայի հարցում. Թրամփ

Բաժանորդագրվել

ԱՄՆ նախագահը համոզմունք է հայտնել, որ Պուտինը շահագրգռված է ուկրաինական հակամարտության ավարտով:

ԵՐԵՎԱՆ, 16 նոյեմբերի – Sputnik. ԱՄՆ նախագահ Դոնալդ Թրամփը հայտարարել է, որ Ռուսաստանի առաջնորդ Վլադիմիր Պուտինը զսպվածություն է ցուցաբերում ուկրաինական հակամարտությունում, թեև կարող էր շատ ավելի կոշտ գործել:

«Կարծում եմ՝ նա մի փոքր զուսպ է։ Կարող էր ավելի կոշտ գործել, անկեղծ ասած՝ շատ ավելի կոշտ», – ասել է Թրամփը լրագրողներին։

Միևնույն ժամանակ ԱՄՆ նախագահը կրկին համոզմունք է հայտնել, որ Պուտինը շահագրգռված է ուկրաինական հակամարտության ավարտով:

Մոսկվան իր հերթին բազմիցս հայտարարել է քաղաքական-դիվանագիտական կարգավորման պատրաստակամության մասին։ Ռուսական կողմը պնդում է հակամարտության սկզբնապատճառները վերացնելու և անվտանգության ոլորտում իր շահերը հաշվի առնելու անհրաժեշտությունը:

Կրեմլում նաև ընդգծում են, որ բանակցությունների նպատակը պետք է լինի երկարաժամկետ և կայուն խաղաղության հասնելը, ոչ թե ռազմական գործողությունների ժամանակավոր դադարը՝ առանց առանցքային տարաձայնությունների կարգավորման:

Leave a comment