Պետական դեպարտամենտը վերջին 3 ամսվա ընթացքում չեղարկել է ԱՄՆ-ի ավելի քան 6000 վիզա «ծննդաբերական զբոսաշրջության» դեմ պայքարին ուղղված արշավի շրջանակներում։
«Պետդեպարտամենտի՝ «ծննդաբերական զբոսաշրջության» հարցերով զբաղվող աշխատանքային խումբը չեղարկել է ավելի քան 6000 վիզա, որոնք պատկանում էին օտարերկրյա քաղաքացիների՝ մասնակցելով կամ նպաստելով «ծննդաբերական զբոսաշրջությանը»»,- ասվում է հայտարարության մեջ։
Պետդեպի այս աշխատանքային խումբը ստեղծվել է 2026 թվականի օգոստոսի սկզբին։ Խմբի նպատակն է ամբողջությամբ վերացնել այդ պրակտիկան։
Միացյալ Նահանգները առաջնորդվում է *jus soli* («հողի իրավունք») սկզբունքով, որի համաձայն՝ ԱՄՆ տարածքում ծնված անձինք ստանում են քաղաքացիություն։ ԱՄՆ-ում «ծննդաբերական զբոսաշրջություն» ասելով հասկացվում է երկիր մեկնելը երեխա ունենալու նպատակով՝ նրա համար ամերիկյան քաղաքացիություն ապահովելու ակնկալիքով։