https://arm.sputniknews.ru/20261109/ukrainan-mi-pvoqr-ajl-dzev-kunena-khaghaghutjan-hamadzajnagri-knqumic-hetvo-tramp-109096482.html
Ուկրաինան «մի փոքր այլ ձև» կունենա խաղաղության համաձայնագրի կնքումից հետո. Թրամփ
Ուկրաինան «մի փոքր այլ ձև» կունենա խաղաղության համաձայնագրի կնքումից հետո. Թրամփ
Sputnik Արմենիա
ԱՄՆ նախագահը կրկին հայտարարել է, որ Ուկրաինայում հակամարտությունը շուտով կավարտվի։ 09.11.2026, Sputnik Արմենիա
2026-11-09T08:43+0400
2026-11-09T08:43+0400
2026-11-09T09:16+0400
դոնալդ թրամփ
ուկրաինա
ռուսաստան
պատերազմ
խաղաղության պայմանագիր
https://cdn.am.imgsputniknews.ru/img/07ea/0b/09/109094231_0:131:1500:975_1920x0_80_0_0_032fbe49cfe021345e49b2cb015aa918.jpg.webp
ԵՐԵՎԱՆ, 9 նոյեմբերի – Sputnik. ԱՄՆ նախագահ Դոնալդ Թրամփը հայտարարել է, որ ռուս–ուկրաինական հակամարտության խաղաղ կարգավորման շրջանակում Ուկրաինայի սահմանները կարող են փոխվել։«Կարծում եմ՝ դա տեղի կունենա, և ի վերջո Ուկրաինան կունենա մի փոքր այլ տեսք», – ասել է Թրամփը CBS հեռուստաալիքին տված հարցազրույցում։ԱՄՆ առաջնորդը կրկին հայտարարել է, որ Ուկրաինայում հակամարտությունը շուտով կավարտվի։Նրա խոսքով՝ ԱՄՆ-ն ոչինչ չի շահել Ուկրաինային զենք մատակարարելուց։«Նրանք ունեին աշխարհի լավագույն զենքերը, իսկ մենք դրա դիմաց ոչինչ չստացանք», – պնդում է Սպիտակ տան ղեկավարը։Հաղորդավարի այն առարկությանը, թե ԱՄՆ-ն իբր հասել է Կիևի ռեժիմի «անկախությանը», Թրամփը քմծիծաղել է՝ ասելով, որ «դեռ ոչնչի չեն հասել»։«Starlink»-ի թեմային անդրադառնալով՝ ԱՄՆ նախագահը հայտարարել է, որ չի վերահսկում այդ արբանյակային կապի համակարգը և չգիտի, թե ով է Ուկրաինայում դանդաղեցրել դրա աշխատանքը։ «Ես չեմ», – ասել է Թրամփը։Միևնույն ժամանակ նա հայտարարել է, որ Իլոն Մասկը վերականգնել է համակարգի աշխատանքը։Հոկտեմբերին Ուկրաինայի պաշտոնյաները հայտարարել էին, որ «Starlink»-ի ռազմական տարբերակի՝ «Starshield»-ի աշխատանքը զգալիորեն սահմանափակվել է։Ավելի վաղ ԱՄՆ նախագահի հատուկ բանագնաց Սթիվ Ուիտկոֆը հայտնել էր, որ Աբու Դաբիում կայանալիք բանակցությունների ընթացքում կողմերը մտադիր են քննարկել անվտանգության երաշխիքները, լարվածության թուլացումը, հումանիտար հարցերը և խաղաղ կարգավորման հաջորդ քայլերը։ Կրեմլում ևս հաստատել էին ռուսական պատվիրակության մասնակցությունը բանակցություններին։ Այն կգլխավորի ՌԴ նախագահի օգնական Վլադիմիր Մեդինսկին։
ուկրաինա
2026
Լուրեր
am_HY
https://cdn.am.imgsputniknews.ru/img/07ea/0b/09/109094231_167:0:1500:1000_1920x0_80_0_0_eec84675249b660693ea060d6d4577c7.jpg.webp
դոնալդ թրամփ, ուկրաինա, ռուսաստան, պատերազմ, խաղաղության պայմանագիր
դոնալդ թրամփ, ուկրաինա, ռուսաստան, պատերազմ, խաղաղության պայմանագիր
ԱՄՆ նախագահը կրկին հայտարարել է, որ Ուկրաինայում հակամարտությունը շուտով կավարտվի։
ԵՐԵՎԱՆ, 9 նոյեմբերի – Sputnik. ԱՄՆ նախագահ Դոնալդ Թրամփը հայտարարել է, որ ռուս–ուկրաինական հակամարտության խաղաղ կարգավորման շրջանակում Ուկրաինայի սահմանները կարող են փոխվել։
«Կարծում եմ՝ դա տեղի կունենա, և ի վերջո Ուկրաինան կունենա մի փոքր այլ տեսք», – ասել է Թրամփը CBS հեռուստաալիքին տված հարցազրույցում։
ԱՄՆ առաջնորդը կրկին հայտարարել է, որ Ուկրաինայում հակամարտությունը շուտով կավարտվի։
«Ես հավատում եմ, որ այս պատերազմը կավարտվի, և կավարտվի շուտով», – ասել է Թրամփը։
Նրա խոսքով՝ ԱՄՆ-ն ոչինչ չի շահել Ուկրաինային զենք մատակարարելուց։
«Նրանք ունեին աշխարհի լավագույն զենքերը, իսկ մենք դրա դիմաց ոչինչ չստացանք», – պնդում է Սպիտակ տան ղեկավարը։
Հաղորդավարի այն առարկությանը, թե ԱՄՆ-ն իբր հասել է Կիևի ռեժիմի «անկախությանը», Թրամփը քմծիծաղել է՝ ասելով, որ «դեռ ոչնչի չեն հասել»։
«Starlink»-ի թեմային անդրադառնալով՝ ԱՄՆ նախագահը հայտարարել է, որ չի վերահսկում այդ արբանյակային կապի համակարգը և չգիտի, թե ով է Ուկրաինայում դանդաղեցրել դրա աշխատանքը։ «Ես չեմ», – ասել է Թրամփը։
Միևնույն ժամանակ նա հայտարարել է, որ Իլոն Մասկը վերականգնել է համակարգի աշխատանքը։
Հոկտեմբերին Ուկրաինայի պաշտոնյաները հայտարարել էին, որ «Starlink»-ի ռազմական տարբերակի՝ «Starshield»-ի աշխատանքը զգալիորեն սահմանափակվել է։
Ավելի վաղ ԱՄՆ նախագահի հատուկ բանագնաց Սթիվ Ուիտկոֆը հայտնել էր, որ Աբու Դաբիում կայանալիք բանակցությունների ընթացքում կողմերը մտադիր են քննարկել անվտանգության երաշխիքները, լարվածության թուլացումը, հումանիտար հարցերը և խաղաղ կարգավորման հաջորդ քայլերը։ Կրեմլում ևս հաստատել էին ռուսական պատվիրակության մասնակցությունը բանակցություններին։ Այն կգլխավորի ՌԴ նախագահի օգնական Վլադիմիր Մեդինսկին։