Հայաստանում՝ Տավուշի մարզում հայտնաբերված Ադրբեջանի քաղաքացին մոլորվել է, հայտնել է Հայաստանի Ազգային անվտանգության ծառայությունը
ԵՐԵՎԱՆ, 22 հոկտեմբերի․ /Նովոստի-Արմենիա/. Հայաստանում՝ Տավուշի մարզում հայտնաբերված Ադրբեջանի քաղաքացին մոլորվել է, հայտնել է Հայաստանի Ազգային անվտանգության ծառայությունը։
ԱԱԾ-ի տեղեկացմամբ, 2026թ. հոկտեմբերի 19-ին՝ 17:50-ի սահմաններում, Հայաստանի Հանրապետության տարածքում (Տավուշի մարզ) հայտնաբերվել է Թովուզի շրջանի Չատախ գյուղի բնակիչ, 1968թ. ծնված Ադրբեջանի Հանրապետության քաղաքացի Քասիմով Յաշար Ալի Օղլուն:
«Իրականացված ստուգողական միջոցառումների արդյունքում պարզվել է, որ ԱՀ քաղաքացին ՀՀ տարածքում հայտնվել է մոլորվելու արդյունքում: Ձեռնարկվում են համապատասխան գործողություններ ԱՀ քաղաքացուն վերադարձնելու նպատակով»,-նշվում է հաղորդագրության մեջ։
ԶԼՄ-երի տեղեկություններով Ադրբեջանի քաղաքացին հովիվ է։