Հայաստանի առանձին շրջաններում հոկտեմբերի 16-ի ցերեկը սպասվում է կարճատև անձրև, հնարավոր է նաև ամպրոպ։ Այս մասին տեղեկացնում է ՀՀ ՆԳՆ փրկարար ծառայությունը։ Քամին կլինի հարավարևմտյան՝ 2-5 մ/վ արագությամբ։
Մայրաքաղաք Երևանում ցերեկային ժամերին օդի ջերմաստիճանը կհասնի +20-22 աստիճանի, իսկ երեկոյան կկազմի +16-18 աստիճան։ Շիրակի մարզում, Կոտայքի լեռնային շրջաններում և Գեղարքունիքում ցերեկը սպասվում է +15-20 աստիճան, իսկ Կոտայքի նախալեռնային շրջաններում՝ +17-20 աստիճան։ Լոռու մարզում և Տավուշի նախալեռնային շրջաններում ջերմաստիճանը կհասնի +19-22 աստիճանի, իսկ Տավուշի հովտային շրջաններում կդիտվի +22-25 աստիճան։ Արագածոտնի, Վայոց ձորի և Սյունիքի լեռնային շրջաններում օդի ջերմաստիճանը կհասնի +16-19 աստիճանի, իսկ Արագածոտնի նախալեռներում՝ +16-21 աստիճանի։ Արարատում, Արմավիրում և Վայոց ձորի նախալեռներում կանխատեսվում է +20-22 աստիճան, Արարատի նախալեռնային շրջաններում՝ +18-21 աստիճան։ Ամենաբարձր ջերմաստիճանը կգրանցվի Սյունիքի հովտային շրջաններում՝ հասնելով +26-29 աստիճանի, իսկ նախալեռնային շրջաններում՝ +21-25 աստիճանի։