28 օր հացադուլի մեջ. ՄԻՊ ներկայացուցիչներն այցելել են 32–ամյա կալանավորին

28 օր հացադուլի մեջ. ՄԻՊ ներկայացուցիչներն այցելել են 32–ամյա կալանավորին

28 օր հացադուլի մեջ. ՄԻՊ ներկայացուցիչներն այցելել են 32–ամյա կալանավորին

Sputnik Արմենիա

Հացադուլավորը իր բողոքն է արտահայտում դատական համակարգի դեմ, քանի որ համաձայն չէ «դիտավորյալ սպանություն» որակման հետ։ 13.10.2026, Sputnik Արմենիա

2026-10-13T19:40+0400

2026-10-13T19:40+0400

2026-10-13T19:40+0400

հհ միպ

կալանավոր

սպանություն

հացադուլ

https://cdn.am.imgsputniknews.ru/img/07e6/09/07/47870618_0:0:960:540_1920x0_80_0_0_f7bd9b9f6597104eaf521bc393566ad5.jpg.webp

ԵՐԵՎԱՆ, 13 հոկտեմբերի – Sputnik․ ՀՀ ՄԻՊ ներկայացուցիչները պաշտպան Անահիտ Մանասյանի հանձնարարությամբ այցելել են «Նուբարաշեն» ՔԿՀ՝ տեսակցելու արդեն 28 օր հացադուլի մեջ գտնվող Աշոտ Բադալյանին և ազատությունից զրկված այլ անձանց։ Այս մասին հայտնում է պաշտպանի գրասենյակը։ Նշվում է, որ առանձնազրույցների բովանդակությունը և անձանց բժշկական գաղտնիք կազմող տեղեկությունները ենթակա չեն հրապարակման: Հանդիպման ընթացքում ազատությունից զրկված անձանց ներկայացվել են տևական ժամանակ հացադուլի մեջ գտնվելու հնարավոր բացասական հետևանքները առողջական վիճակի վրա:Ըստ մամուլում հրապարակված տեղեկությունների՝ Աշոտ Բադալյանը մեղադրվում է քրոջ որդու սպանության մեջ։ Նրա բողոքն ուղղված է դատական համակարգի դեմ, քանի որ համաձայն չէ իրեն առաջադրված մեղադրանքի հետ՝ դիտավորյալ սպանություն, պնդում է, որ կատարվածն ընտանիքին պաշտպանելու համար է եղել։Aravot.am-ի հետ զրույցում նրա քույրը՝ Նաիրա Բադալյանը, պատմել է, որ դեպքը տեղի է ունեցել 2025 թվականի հուլիսի 11-ին։ Իր որդին, որը, ըստ մոր, հոգեկան առողջության հետ կապված խնդիրներ ուներ, վիճաբանության ընթացքում հարձակվել է իր եղբոր՝ Աշոտ Բադալյանի վրա, ատրճանակով կրակել է քեռու ուղղությամբ, իսկ ավելի ուշ իրավիճակը սրվել է, երբ նա նռնակով փորձել է մոտենալ ընտանիքի մյուս անդամներին։Նաիրա Բադալյանը նշում է, որ իրենք եղբոր դեմ բողոք չունեն։ Աշոտ Բադալյանը, ըստ տեղեկությունների, 3 անչափահաս երեխաների հայր է։