Ուկրաինայի նախագահ Վլադիմիր Զելենսկին առաջարկել է ԱՄՆ նախագահ Դոնալդ Թրամփին դիզվառելիքի գործարք կնքել Ուկրաինայի, այլ ոչ թե Ռուսաստանի հետ։
«Ինչո՞ւ Ամերիկան դիզվառելիքի գործարք չի կնքում Ուկրաինայի հետ։ Ուկրաինայի՛։ Եկեք առաջարկենք դիզվառելիքի գործարք Ուկրաինայի հետ։ Մենք ենք ազդում այն բանի վրա, թե արդյոք այդ նավերը կշարժվեն։ Մենք ենք որոշում՝ արդյոք նավթավերամշակման գործարանները կաշխատեն։ Եկեք դա անենք»,- ասել է Զելենսկին Վարշավայի անվտանգության ֆորումին։
Նրա խոսքով՝ Կիեւի համար կարևոր է միայն էլեկտրաէներգիան․ «Եթե նրանք կարողանան երաշխավորել մեր էներգահամակարգի պաշտպանությունը, մենք չենք հարձակվի դիզվառելիքի ենթակառուցվածքների վրա»։