ԱՄՆ նախագահի հատուկ բանագնաց Սթիվ Ուիթքոֆը և Դոնալդ Թրամփի փեսան՝ Ջարեդ Քուշները, հնարավոր է՝ հոկտեմբերի վերջին այցելեն Մոսկվա՝ Վլադիմիր Պուտինի հետ Ուկրաինայում պատերազմի ավարտի շուրջ բանակցություններ վարելու նպատակով․ այս մասին հայտնել է Axios-ը։
«Վաշինգտոնը փորձում է նոր առաջարկներ գտնել՝ դիվանագիտական փակուղին հաղթահարելու համար։ ԱՄՆ ներկայացուցիչները հանդիպել են նախագահ Թրամփի հետ՝ ներկայացնելու Վաշինգտոնի վերջին առաջարկը և ստանալու նրա գնահատականը նախքան Մայամիում կայանալիք բանակցությունները։ Ակնկալվում է, որ հանդիպումները կտևեն երկու օր», – նշում է պարբերականը։
Քննարկվելիք թեմաների թվում են Ուկրաինայի անվտանգության երաշխիքները, պատերազմից հետո նրա տնտեսական զարգացման ծրագիրը և պատերազմի կարգավորման այլ ասպեկտներ։