https://arm.sputniknews.ru/20261007/argelanq-e-kirarvel-gagik-tsarukjanin-patkanvogh-488-sharzhakan-gujqi-nkatmamb-107777069.html
Արգելանք է կիրառվել Գագիկ Ծառուկյանին պատկանող 488 շարժական գույքի նկատմամբ
Արգելանք է կիրառվել Գագիկ Ծառուկյանին պատկանող 488 շարժական գույքի նկատմամբ
Sputnik Արմենիա
Արգելանք է կիրառվել նաև Ծառուկյանի առանձնատանն անցկացված խուզարկության արդյունքում հայտնաբերված խոշոր չափի դրամական միջոցների և թանկարժեք զարդերի նկատմամբ։ 07.10.2026, Sputnik Արմենիա
2026-10-07T12:38+0400
2026-10-07T12:38+0400
2026-10-07T12:39+0400
հայաստան
գագիկ ծառուկյան
գույք
https://cdn.am.imgsputniknews.ru/img/07ea/06/0c/103410445_0:0:1425:802_1920x0_80_0_0_541ef2f970a74f8486051f2e2754b00d.jpg.webp
ԵՐԵՎԱՆ, 7 հոկտեմբերի – Sputnik. Արգելանք է կիրառվել «Բարգավաճ Հայաստան» կուսակցության առաջնորդ Գագիկ Ծառուկյանին պատկանող անշարժ և շարժական գույքի, նրա հետ փոխկապակցված իրավաբանական կազմակերպությունների բաժնեմասերի, բաժնետոմսերի և գույքի նկատմամբ։ Տեղեկությունը հայտնում է ՀՀ հարկադիր կատարումն ապահովող ծառայությունը։Արգելանք է կիրառվել նաև Ծառուկյանի առանձնատանն իրականացված խուզարկության արդյունքում հայտնաբերված խոշոր չափի դրամական միջոցների և թանկարժեք զարդերի վրա։«Պարտապանին պարտավորեցրել են նաև չկատարել որևէ գործողություն հայտնաբերված և արգելադրված գույքերի ապօրինի տնօրինման ուղղությամբ»,– նշում է ՀՀ հարկադիր կատարումն ապահովող ծառայությունը։Մեկ այլ կատարողական վարույթի շրջանակում արգելվել է սեփականատիրոջ փոփոխություն կատարել Սևանա լճի ափամերձ տարածքում Ծառուկյանին պատկանող գտնվող անշարժ գույքի և շինությունների նկատմամբ, ինչպես նաև նշված գույքի փաստացի վիճակը վատթարացնող ապօրինի որևէ գործողություն։Հիշեցնենք` հուլիսի 6-ին հայտնի դարձավ, որ իրավապահները ներխուժել են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատուն, ինչպես նաև նրան պատկանող «Մուլտի գրուպ» կոնցեռնի կազմում գտնվող ձեռնարկություններ և խուզարկություններ են իրականացնում։ Ընկերությունների դռները կապարակնքվեցին, և աշխատանքը դադարեցվեց։Ծառուկյանը հուլիսի 6-ին ձերբակալվեց, իսկ հաջորդ օրը կալանավորվեց։ Գործարարը և ևս մեկ անձ մեղադրվում են խարդախության օժանդակության և փողերի լվացման օժանդակության մեջ։ Եվս մեկ գործ էլ հարուցվել է վայրի կենդանի կամ թռչուն ապօրինի որսալու դեպքի առթիվ:Ավելի ուշ հայտնի դարձավ, որ «Արարատցեմենտը» և Երևանի «Արարատ» կոնյակի–գինու–օղու կոմբինատը հանձնվել են Հայաստանի Հանրապետության կառավարմանը, «Մուլտի Վելնես» մարզասրահի շենքն անցել է Երևանի քաղաքապետարանին, իսկ դատախազությունը պահանջում է Ծառուկյանից բռնագանձել 75 անշարժ գույք և շուրջ 106 մլրդ դրամ։
2026
Լուրեր
am_HY
https://cdn.am.imgsputniknews.ru/img/07ea/06/0c/103410445_35:0:1399:1023_1920x0_80_0_0_8638ae61c151e5d15601355eb49199b8.jpg.webp
հայաստան, գագիկ ծառուկյան, գույք
հայաստան, գագիկ ծառուկյան, գույք
Արգելանք է կիրառվել նաև Ծառուկյանի առանձնատանն անցկացված խուզարկության արդյունքում հայտնաբերված խոշոր չափի դրամական միջոցների և թանկարժեք զարդերի նկատմամբ։
«Ապօրինի ծագում ունեցող գույքի բռնագանձման և հատուկ նշանակության բաժնում Հակակոռուպցիոն դատարանի կողմից տրված կատարողական թերթի հիման վրա հարուցված կատարողական վարույթի շրջանակում արգելանք է կիրառվել պարտապան Գ․Ծ․-ին պատկանող շուրջ 29 անշարժ, 488 շարժական գույքի, 33 տրանսպորտային միջոցի, և 27 տարբեր ընկերություններում առկա բաժնեմասերի, ինչպես նաև վերջինիս հետ փոխկապակցված 40 իրավաբանական կազմակերպությունների բաժնեմասերի և բաժնետոմսերի, ինչպես նաև վերջիններիս պատկանող գույքերի նկատմամբ»,– ասված է հաղորդագրությունում։
Արգելանք է կիրառվել նաև Ծառուկյանի առանձնատանն իրականացված խուզարկության արդյունքում հայտնաբերված խոշոր չափի դրամական միջոցների և թանկարժեք զարդերի վրա։
«Պարտապանին պարտավորեցրել են նաև չկատարել որևէ գործողություն հայտնաբերված և արգելադրված գույքերի ապօրինի տնօրինման ուղղությամբ»,– նշում է ՀՀ հարկադիր կատարումն ապահովող ծառայությունը։
Մեկ այլ կատարողական վարույթի շրջանակում արգելվել է սեփականատիրոջ փոփոխություն կատարել Սևանա լճի ափամերձ տարածքում Ծառուկյանին պատկանող գտնվող անշարժ գույքի և շինությունների նկատմամբ, ինչպես նաև նշված գույքի փաստացի վիճակը վատթարացնող ապօրինի որևէ գործողություն։