ԱՄՆ նախագահ Դոնալդ Թրամփը հայտարարել է, որ Իրանը կարող է կապ ունենալ Իսրայել մեկնող FlyDubai ինքնաթիռը առևանգելու փորձի հետ։
Լրագրողների հարցին՝ արդյո՞ք իրեն տեղեկացրել են Իրանի և երկրորդ օդաչուի միջև հնարավոր կապերի մասին, Թրամփը պատասխանել է. «Մենք հենց հիմա զբաղվում ենք այդ հարցով։ Ես կասեի՝ պատասխանը, ելնելով նրանից, ինչ լսում եմ, դրական է։ Բայց մենք հենց հիմա աշխատում ենք այդ ուղղությամբ»։
Հիշեցնենք, որ Դուբայից Թել Ավիվ թռչող օդանավում միջադեպի ժամանակ երկրորդ օդաչուն դանակահարել է օդանավի հրամանատարին և փորձել կործանման տանել ինքնաթիռը, սակայն ուղևորները կարողացել են վնասազերծել նրան։
Հարցին էլ՝ արդյո՞ք երկրորդ օդաչուն կարող էր օդանավում հայտնվել Իսլամական հեղափոխության պահապանների կորպուսի (ԻՀՊԿ) միջոցով, Թրամփը պատասխանել է. «Հնարավոր է՝ այո»։
Թեհրանի հնարավոր առնչության դեպքում ԱՄՆ-ի կողմից պատասխան գործողության մասին հարցին ի պատասխան էլ Թրամփը հայտարարել է. «Նրանք շատ ուժեղ հարված կստանան, մի՛ անհանգստացեք»։
Հինգշաբթի երեկոյան Թեխաս նահանգի Դենթոն քաղաքում՝ Peterbilt Motors ընկերության գործարանում ելույթ ունենալիս Թրամփը հայտարարել էր, որ Իրանը «պատրաստ է հանձնվել»։ Նա ասել է, որ կարծում է՝ ԱՄՆ-ը պատերազմում կհաղթի «ընտրություններից անմիջապես հետո», թեև նշել է նաև՝ «գուցե ընտրություններից առաջ»։
«Ես ապահովում եմ, որ Իրանի հետ շատ արագ կավարտվի»,- ասել է ԱՄՆ նախագահը՝ հավելելով, որ էներգակիրների գները «շատ արագ, շատ արագ» կնվազեն։
Թարգմանությունը՝ Էմմա Չոբանյանի