Եվրոպան այսօր խաղաղության վիճակում չէ և բախվում է աճող թվով հիբրիդային հարձակումների, որոնք ՆԱՏՕ-ն կապում է Ռուսաստանի հետ։
Ինչպես գրում է The Guardian-ը, այս մասին հայտարարել է դաշինքի գլխավոր քարտուղար Մարկ Ռյուտեն։
Ըստ նրա՝ Ուկրաինայում շարունակվող պատերազմի ֆոնին Եվրոպայում ռուսական «վնասակար հիբրիդային հարձակումների» ցանկը մշտապես ընդլայնվում է։
Նա հիշատակել է կիբերհարձակումներ, դիվերսիաներ, հրկիզումներ, օդային տարածքի խախտումներ և անօդաչու սարքերի հետ կապված միջադեպեր։