Քնելուց առաջ ալկոհոլի օգտագործումը վտանգավոր ռիսկեր է պարունակում, «Իզվեստիա»-ին տված հարցազրույցում նախազգուշացրել է նյարդաբան Եկատերինա Դեմյանովսկայան։
Դեմյանովսկայան բացատրել է, որ ալկոհոլն ուժեղացնում է կենտրոնական նյարդային համակարգում արգելակման գործընթացները՝ ստեղծելով թուլացման զգացում։ Ալկոհոլը խոչընդոտում է քնի ընթացքում օրգանիզմի լիարժեք վերականգնմանը՝ փոփոխելով քնի կառուցվածքը։ «Արագ քնի փուլը (REM-փուլ) սկսվում է ավելի ուշ, և դրա ընդհանուր տևողությունը կարող է կրճատվել», – պարզաբանել է բժիշկը։
Բացի այդ, օրգանիզմում ալկոհոլի վերամշակման արդյունքում առաջանում է ացետալդեհիդ՝ թունավոր ազդեցություն ունեցող նյութ, որը բարձրացնում է ադրենալինի մակարդակը, արագացնում սրտի զարկերը և վատթարացնում քնի որակը։
Ըստ Դեմյանովսկայայի՝ օբստրուկտիվ քնի ապնոե ունեցող անձինք պետք է հատկապես զգույշ լինեն քնելուց առաջ ալկոհոլ օգտագործելիս, քանի որ այն կարող է հանգեցնել շնչառության կանգի ավելի հաճախակի դրվագների։
Բժիշկն ասել է, որ վտանգավոր է ալկոհոլը համատեղել քնաբեր կամ հանգստացնող դեղամիջոցների հետ։ «Դրանց ազդեցությունները կարող են ուժեղացնել միմյանց՝ պոտենցիալ կերպով հանգեցնելով քնի ընթացքում շնչառության վտանգավոր ընկճման», – ընդգծել է նա։