Մշակվում է եկամուտների հայտարարագրման նոր պլատֆորմ, որը կներառի ավելի պարզեցված լուծումներ
ԵՐԵՎԱՆ, 12 փետրվարի․/Նովոստի–Արմենիա/․ ՊԵԿ նախարահ Էդուրադ Հակոբյանն այսօր կառավարության նիստում հայտնեց, որ մշակվում է եկամուտների հայտարարագրման նոր պլատֆորմ, որը կներառի ավելի պարզեցված լուծումներ։
Նա տեղեկացրեց, որ նոր պլատֆորմի հետ կապված մրցույթն արդեն կայացել է և այժմ գնահատման փուլում է։
«Մենք խոստացել էինք, որ պետք է որոշակի համակարգերի հասանելիություն ստանանք, մասնավորապես՝ բանկային տեղեկատվությունը, ավանդների դիմաց քաղաքացիների ստացվող եկամուտները քաղաքացիների թույլտվությամբ հնարավորություն ունենանք բանկերից ստանալու»,- ասաց Հակոբյանը։
Ըստ ՊԵԿ նախագահի՝ քաղաքացիները հնարավորություն կունենան նաև լիազորել այլ անձի, որն իրենց փոխարեն կկարողանա տեսնել, լրամշակել և հաստատել հայտարարագիրը։
Նրա խոսքով՝ սոցիալապես անապահով քաղաքացիների և կենսաթոշակառուների համար նախատեսվում է տեղեկատվության ավտոմատ ստացում Աշխատանքի և սոցիալական հարցերի նախարարությունից։
Կստեղծվի նաև բջջային հավելված, որն ավելի պարզ եղանակով հասանելի կլինի քաղաքացիների հեռախոսներում, և հեշտ հարցերի միջոցով կուղղորդի նրանց յուրաքանչյուր դաշտը՝ հասկանալու, ինչպես նաև լրամշակելու և հաստատելու հայտարարագրերը։