Հայաստանի շախմատի երկու հավաքականները Օլիմպիադայի 7–րդ տուրից հետո 6-րդ տեղում են 200 թիմերի շարքում

ԵՐԵՎԱՆ, 24 սեպտեմբերի․/Նովոստի–Արմենիա/․ Հայաստանի շախմատի տղամարդկանց և կանանց հավաքականները Սամարղանդում ընթացող 46-րդ օլիմպիադայում 7 խաղափուլից հետո զբաղեցնում են 6-րդ տեղերը 200-ից ավելի թիմերի շարքում:

Հայաստանի երկու հավաքականներն էլ վաստակել են 12-ական թիմային միավոր՝ հնարավոր 14-ից:

Հայաստանի տղամարդկանց թիմի կազմում հանդես են գալիս Հայկ Մարտիրոսյանը, Շանթ Սարգսյանը, Ռոբերտ Հովհաննիսյանը, Գաբրիել Սարգսյանը և Մանուել Պետրոսյանը: Առաջատարը Արման Փաշիկյանն է:

Կանանց հավաքականը ներկայացնում են Մարիամ Մկրտչյանը, Էլինա Դանիելյանը, Լիլիթ Մկրտչյանը, Սուսաննա Գաբոյանը և Անահիտ Մկրտչյանը:

Նախօրեին՝ 7-րդ խաղափուլում, Հայաստանի տղամարդկանց հավաքականը 2:2 հաշվով ոչ-ոքի է խաղաց ԱՄՆ-ի թիմի հետ (որը 46-րդ Օլիմպիադայի վարկանիշային առաջատարն է), իսկ կանանց հավաքականը 2.5:1.5 հաշվով հաղթեց Ադրբեջանին:

8-րդ տուրում, որը տեղի կունենա սեպտեմբերի 24-ին, հայ շախմատիստները կխաղան Նիդերլանդների, իսկ շախմատիստուհիները՝ ԱՄՆ-ի հետ:

46-րդ Համաշխարհային շախմատային օլիմպիադան անցկացվում է Սամարղանդում՝ 2026 թվականի սեպտեմբերի 15-ից 27-ը: ՖԻԴԵ-ի տվյալներով՝ մրցաշարի մեկնարկին բաց մրցաշարում գրանցված է 207 թիմ, իսկ կանանց մրցաշարում՝ 191 թիմ: