https://arm.sputniknews.ru/20260922/khvocvel-en-ukrainaji-dzernarkutjunner-navahangistner-u-lvogistik-kentrvonner-rd-pn-107143956.html
Խոցվել են Ուկրաինայի ձեռնարկություններ, նավահանգիստներ ու լոգիստիկ կենտրոններ. ՌԴ ՊՆ
Խոցվել են Ուկրաինայի ձեռնարկություններ, նավահանգիստներ ու լոգիստիկ կենտրոններ. ՌԴ ՊՆ
Sputnik Արմենիա
Կիևում հարվածել են «Ֆայեր Փոյնթ» (Fire Point) ձեռնարկությանը, որտեղ արտադրվում էին FP-5 «Ֆլամինգո» հեռահար թևավոր հրթիռների բաղադրիչներն ու մարտական մասերը: 22.09.2026, Sputnik Արմենիա
2026-09-22T12:48+0400
2026-09-22T12:48+0400
2026-09-22T12:48+0400
դոնբասի պաշտպանություն. ռդ–ի ռազմական հատուկ գործողությունը ուկրաինայում
ուկրաինա
https://cdn.am.sputniknews.ru/img/475/55/4755584_0:115:3084:1850_1920x0_80_0_0_5cb890bd615155cd7c4ccb2ee4d65a07.jpg.webp
ԵՐԵՎԱՆ, 22 սեպտեմբերի – Sputnik. Ռուսաստանցի զինվորականներն անցած գիշեր զանգվածային հարված են հասցրել Կիևի, Դնեպրոպետրովսկի, Պոլտավայի, Վիննիցայի և Օդեսայի մարզերի օբյեկտներին։ Այս մասին հայտնել են ՌԴ պաշտպանության նախարարությունից։Գերատեսչության տվյալներով՝ կիրառվել են ցամաքային, ծովային և օդային տեղակայման ճշգրիտ զինատեսակներ, ինչպես նաև անօդաչու թռչող սարքեր։ Թիրախում եղել են մետալուրգիական և քիմիական արդյունաբերության, վառելիքաէներգետիկ ու ռազմաարդյունաբերական համալիրների ձեռնարկությունները, նավահանգստային և լոգիստիկ ենթակառուցվածքները, ինչպես նաև Ուկրաինայի ԶՈւ–ի շահերի համար օգտագործվող նավերը։Կիևում խոցվել է «Ֆայեր Փոյնթ» ձեռնարկությանը, որտեղ արտադրվում էին FP-5 «Ֆլամինգո» հեռահար թևավոր հրթիռների բաղադրիչներն ու մարտական մասերը։Դնեպրոպետրովսկի մարզում հարված են հասցրել Կրիվոյ Ռոգի մետալուրգիական կոմբինատին, որը ռազմական արտադրանք էր թողարկում։ Դնեպրոպետրովսկում խոցվել է «Ինտերպայպ Ստալ» խողովակի գործարանը, որը մետաղագլաններ էր մատակարարում հեռահար ԱԹՍ–ների բաղադրիչների արտադրության համար։Նույն մարզում, ՌԴ ՊՆ տվյալներով, խոցվել են «Սիրիուս Էքստրուժն»-ի երեք լոգիստիկ կենտրոնները, որոնք օգտագործվում էին Ուկրաինայի ԶՈւ–ի համար նախատեսված բեռների պահպանման և բաշխման նպատակով։Պավլոգրադում հարվածն ուղղվել է «Սովրախիմ» ձեռնարկության դեմ։ Ռուսական ռազմական գերատեսչությունում հայտարարել են, որ այնտեղ արտադրվում էին մարտական մասեր, պինդ հրթիռային վառելիք և դրա բաղադրիչները՝ «Ֆայեր Փոյնթ» ընկերության FP-9 բալիստիկ հրթիռների համար։Պոլտավայի մարզում թիրախավորվել է Կրեմենչուգի նավթավերամշակման գործարանը։ Ձեռնարկությունը վառելիք էր արտադրում Ուկրաինայի ԶՈւ–ի կարիքների համար։ Բացի այդ, հարված է հասցվել Կրեմենչուգում գտնվող JTI Ուկրաինա ծխախոտի ֆաբրիկային, որտեղ կազմակերպվել էր հրաձգային զենքի ռազմամթերքի արտադրություն։Օդեսայի մարզում, պաշտպանության նախարարության հաղորդագրության համաձայն, խոցվել են Օդեսայի լոգիստիկ երկու կենտրոններ և Իլյիչևսկում գտնվող «Նովայա պոչտա»-ի կենտրոնը։ Այնտեղ պահվում և բաշխվում էին ռազմական ու երկակի նշանակության բեռներ։Խոցվել են նաև Ռենիի նավահանգստի ենթակառուցվածքային օբյեկտներ, որոնք օգտագործվում էին ռազմական բեռների և քսայուղային նյութերի բեռնաթափման ու պահպանման համար։Բացի այդ, ՌԴ ՊՆ-ն հայտնել է ռազմական նշանակության բեռով Օդեսայի նավահանգիստ ուղևորվող չորաբեռնատար նավի խոցման մասին։
ուկրաինա
2026
Լուրեր
am_HY
https://cdn.am.sputniknews.ru/img/475/55/4755584_136:0:2867:2048_1920x0_80_0_0_7d8320e377e2cfd42b5b72b08a248f61.jpg.webp
ուկրաինա
Կիևում հարվածել են «Ֆայեր Փոյնթ» (Fire Point) ձեռնարկությանը, որտեղ արտադրվում էին FP-5 «Ֆլամինգո» հեռահար թևավոր հրթիռների բաղադրիչներն ու մարտական մասերը:
ԵՐԵՎԱՆ, 22 սեպտեմբերի – Sputnik. Ռուսաստանցի զինվորականներն անցած գիշեր զանգվածային հարված են հասցրել Կիևի, Դնեպրոպետրովսկի, Պոլտավայի, Վիննիցայի և Օդեսայի մարզերի օբյեկտներին։ Այս մասին հայտնել են ՌԴ պաշտպանության նախարարությունից։
Գերատեսչության տվյալներով՝ կիրառվել են ցամաքային, ծովային և օդային տեղակայման ճշգրիտ զինատեսակներ, ինչպես նաև անօդաչու թռչող սարքեր։ Թիրախում եղել են մետալուրգիական և քիմիական արդյունաբերության, վառելիքաէներգետիկ ու ռազմաարդյունաբերական համալիրների ձեռնարկությունները, նավահանգստային և լոգիստիկ ենթակառուցվածքները, ինչպես նաև Ուկրաինայի ԶՈւ–ի շահերի համար օգտագործվող նավերը։
Կիևում խոցվել է «Ֆայեր Փոյնթ» ձեռնարկությանը, որտեղ արտադրվում էին FP-5 «Ֆլամինգո» հեռահար թևավոր հրթիռների բաղադրիչներն ու մարտական մասերը։
Դնեպրոպետրովսկի մարզում հարված են հասցրել Կրիվոյ Ռոգի մետալուրգիական կոմբինատին, որը ռազմական արտադրանք էր թողարկում։ Դնեպրոպետրովսկում խոցվել է «Ինտերպայպ Ստալ» խողովակի գործարանը, որը մետաղագլաններ էր մատակարարում հեռահար ԱԹՍ–ների բաղադրիչների արտադրության համար։
Նույն մարզում, ՌԴ ՊՆ տվյալներով, խոցվել են «Սիրիուս Էքստրուժն»-ի երեք լոգիստիկ կենտրոնները, որոնք օգտագործվում էին Ուկրաինայի ԶՈւ–ի համար նախատեսված բեռների պահպանման և բաշխման նպատակով։
Պավլոգրադում հարվածն ուղղվել է «Սովրախիմ» ձեռնարկության դեմ։ Ռուսական ռազմական գերատեսչությունում հայտարարել են, որ այնտեղ արտադրվում էին մարտական մասեր, պինդ հրթիռային վառելիք և դրա բաղադրիչները՝ «Ֆայեր Փոյնթ» ընկերության FP-9 բալիստիկ հրթիռների համար։
Պոլտավայի մարզում թիրախավորվել է Կրեմենչուգի նավթավերամշակման գործարանը։ Ձեռնարկությունը վառելիք էր արտադրում Ուկրաինայի ԶՈւ–ի կարիքների համար։ Բացի այդ, հարված է հասցվել Կրեմենչուգում գտնվող JTI Ուկրաինա ծխախոտի ֆաբրիկային, որտեղ կազմակերպվել էր հրաձգային զենքի ռազմամթերքի արտադրություն։
Օդեսայի մարզում, պաշտպանության նախարարության հաղորդագրության համաձայն, խոցվել են Օդեսայի լոգիստիկ երկու կենտրոններ և Իլյիչևսկում գտնվող «Նովայա պոչտա»-ի կենտրոնը։ Այնտեղ պահվում և բաշխվում էին ռազմական ու երկակի նշանակության բեռներ։
Խոցվել են նաև Ռենիի նավահանգստի ենթակառուցվածքային օբյեկտներ, որոնք օգտագործվում էին ռազմական բեռների և քսայուղային նյութերի բեռնաթափման ու պահպանման համար։
Բացի այդ, ՌԴ ՊՆ-ն հայտնել է ռազմական նշանակության բեռով Օդեսայի նավահանգիստ ուղևորվող չորաբեռնատար նավի խոցման մասին։