ԱՄՆ նախագահ Դոնալդ Թրամփը ստորագրել է Կոնգրեսի կողմից հաստատված օրենքը, որը նախատեսում է ընդլայնել Ռուսաստանի դեմ պատժամիջոցները և երկարաձգել Իրանի դեմ կիրառվող պատժամիջոցները։
«Ուրբաթ օրը՝ սեպտեմբերի 18-ին, նախագահը ստորագրեց «Լինդսի Գրեհեմի՝ Ռուսաստանի և Իրանի դեմ պատժամիջոցների մասին 2026 թ. օրենքը», որը թույլատրում և ընդլայնում է Ռուսաստանի դեմ օրենսդրորեն սահմանված պատժամիջոցները, մաքսատուրքերն ու արգելքները, ինչպես նաև երկարաձգում է Իրանի դեմ գործող պատժամիջոցները»,- ասվում է Սպիտակ տան հայտարարության մեջ։
Օրինագիծն ի սկզբանե մշակվել էր սենատորների երկկուսակցական խմբի կողմից։ Հատկանշական է, որ այդ գործընթացում առանցքային դեր է խաղացել հանրապետական սենատոր Լինդսի Գրեհեմը (որին Ռուսաստանը ճանաչել է որպես ահաբեկիչ և ծայրահեղական)։
Նախաձեռնության նպատակներից մեկը Ռուսաստանի դեմ ընդունված որոշակի միջոցառումների համակարգումն է։ Օրինակ՝ փաստաթղթում թվարկված են ռուսական ղեկավարության կազմում այն պաշտոնները, որոնք պետք է ենթարկվեն պարտադիր պատժամիջոցների։ Նմանատիպ միջոցառումներ են նախատեսված նաև ռազմական հրամանատարների և ռուսական պաշտպանական արդյունաբերությանը աջակցություն ցուցաբերող օտարերկրյա քաղաքացիների համար։
Առաջարկվող միջոցառումների շարքում կարևոր տեղ են զբաղեցնում մաքսատուրքերը։ Օրինագիծը սահմանում է, որ ԱՄՆ նախագահը պետք է բարձրացնի Ռուսաստանից ներկրվող բոլոր ապրանքների մաքսատուրքերը՝ դրանց դրույքաչափերը հասցնելով մինչև 500%-ի։
Օրինագիծը ներառում է նաև սահմանափակիչ միջոցառումներ, որոնք ուղղված են Ռուսաստանից նավթ, ուրան, ածուխ և որոշ այլ ապրանքներ տեղափոխող նավերի դեմ։
Օրինագծի հեղինակները ներառել են սահմանափակումներ Ռուսաստանում ներդրումներ կատարող ԱՄՆ քաղաքացիների համար, ինչպես նաև արգելք՝ Ռուսաստան էներգակիրների արտահանման վերաբերյալ։
Կոնգրեսն ընդգծում է, որ ԱՄՆ նախագահը պահպանում է օրինագծի դրույթները չկիրառելու (բացառություն անելու) իրավասությունը, եթե դա անհրաժեշտ համարվի ԱՄՆ ազգ Վերջին տարիներին դեմոկրատ օրենսդիրները զգալի ջանքեր են գործադրել՝ սահմանափակելու, այլ ոչ թե ընդլայնելու Սպիտակ տան լիազորություններն այս ոլորտում։