Հայաստանի Հանրապետության վարչապետ Նիկոլ Փաշինյանն աշխատանքային այցով մեկնել է Գերմանիա, որտեղ նրան շնորհվելու է Հեսսեյան Խաղաղության մրցանակը՝ Կովկասում խաղաղության հաստատմանն ուղղված ջանքերի համար:
Վիսբադենում՝ Հեսսենի դաշնային երկրամասային խորհրդարանում, նախատեսվում է հանդիսավոր արարողություն։
Այնուհետև Նիկոլ Փաշինյանը Ֆրանկֆուրտի արդյունաբերության և առևտրի պալատում հանդիպում է ունենալու տեղի գործարարների հետ։
Փաշինյանն ինքնաթիռից տեսանյութ է հրապարակել ֆեյսբուքյան իր էջում:
«Թռչում ենք Վիսբադեն»,-գրել է նա: