Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ հարվածել է Տոգոյի դրոշի ներքո նավարկող տանկերի, որը փորձել է «անօրինականորեն անցնել» Հորմուզի նեղուցով։
ԻՀՊԿ-ի ռազմածովային ուժերը հայտարարել են, որ հարձակումից հետո նավը հրդեհվել է և կանգնեցվել։ Ենթադրվում է, որ տանկերը փորձել է անցնել ջրային ճանապարհով առանց Իրանի թույլտվության՝ ենթարկվելով ԱՄՆ զինվորականների «սադրանքին և խաբեությանը»։
Կորպուսը նշել է, որ իր ուժերը լիակատար վերահսկողություն ունեն ռազմավարական կարևորության նեղուցի նկատմամբ և «թույլ չեն տա որևէ ագրեսորի անցնել դրանով»։
«Հորմուզի նեղուցով անօրինական անցումը միայն խախտում կատարած նավի ոչնչացմանը կհանգեցնի», – ընդգծվում է հայտարարության մեջ։