Սեպտեմբերի 15-ին ՀՀ պաշտպանության նախարար Սուրեն Պապիկյանը Պեկինում հանդիպում է ունեցել ՉԺՀ պաշտպանության նախարար, ծովակալ Դուն Ցզյունի հետ։
Բանակցությունների ընթացքում կողմերը քննարկել են պաշտպանության բնագավառում Հայաստան-Չինաստան համագործակցությանը վերաբերող հարցերը և անդրադարձել դրա հետագա զարգացման հեռանկարներին։
Կողմերը բարձր են գնահատել պաշտպանության ոլորտում երկկողմ համագործակցության առկա մակարդակը՝ միաժամանակ կարևորելով փոխգործակցության նոր ուղղությունների զարգացումն ու երկարաժամկետ պլանավորումը։
Հանդիպմանը մասնակցել է նաև ՉԺՀ-ում ՀՀ արտակարգ և լիազոր դեսպան Վահե Գևորգյանը։