Քրիստինե Վարդանյանը պետք է լինի վերջին դաշնակցականը. Արման Եղոյան

Քրիստինե Վարդանյանը պետք է լինի վերջին դաշնակցականը. Արման Եղոյան

Քրիստինե Վարդանյանը պետք է լինի վերջին դաշնակցականը. Արման Եղոյան

Sputnik Արմենիա

ՔՊ–ական պատգամավոր Արման Եղոյանն աստիճանաբար սկսեց հունից դուրս գալ ու բղավել Վարդանյանի ուղղությամբ, ինչին ընդդիմադիր պատգամավորը ժպիտով էր արձագանքում։ 15.09.2026, Sputnik Արմենիա

2026-09-15T13:55+0400

2026-09-15T13:55+0400

2026-09-15T14:00+0400

արման եղոյան

տեսանյութեր

տեսանյութ

աժ (ազգային ժողով)

երդում

հայ

հայ յեղափոխական դաշնակցություն (հյդ)

https://cdn.am.sputniknews.ru/img/07ea/09/0f/106864691_4:0:1280:718_1920x0_80_0_0_46cd8aac6d1b7e5073f0fda031c58990.jpg.webp

ԵՐԵՎԱՆ, 15 սեպտեմբերի – Sputnik. «ՀՀ կառավարության կառուցվածքի մասին» օրենքի փոփոխությունները, ըստ որոնց` կառավարության անդամների երդման տեքստը պետք է փոխվի, բուռն բանավեճի և փոխադարձ մեղադրանքների առիթ դարձավ ՀՀ Ազգային ժողովում։ Նշենք, որ ընդդիմությունը դեմ է այս նախագծին, քանի որ երդման տեքստի առաջարկվող փոփոխությամբ նախատեսվում է հանել «հանուն համազգային նպատակների իրականացման» և «հայրենիքի հզորացման» ձևակերպումները։ Ի՞նչ նոր պայքար է համազգային նպատակների դեմ․ Վարդանյանը՝ երդման տեքստի փոփոխության մասինՆախորդ երդման տեքստը սկսում էր հետևյալ բառերով, որոնք ևս հանվել են. «Հանուն համազգային նպատակների իրականացման և հայրենիքի հզորացման՝ երդվում եմ…»։ Այժմ երդման տեքստը սկսվելու է այսպես. «Հանուն Հայաստանի Հանրապետության հարատևության և ինքնիշխանության…»։ Նախագծի 2–րդ ընթերցման ժամանակ «Քաղաքացիական պայմանագիր» խմբակցության պատգամավոր, հարակից զեկուցող Արման Եղոյանը հայտարարեց, որ երդման նոր տեքստի առաջաբանի իրականացմանը հասնելու համար իրենց միջից անհրաժեշտ է վերացնել դաշնակցականությունը։ Եղոյանն աստիճանաբար սկսեց հունից դուրս գալ ու բղավել Վարդանյանի ուղղությամբ, ինչին ընդդիմադիր պատգամավորը ժպիտով էր արձագանքում։ Իսկ ՔՊ–ական պատգամավորներին Եղոյանի բղավոցն ու կոպիտ ձևակերպումները դուր եկան, ու նրանք սկսեցին ծափահարել։ԱԺ փոխնախագահ Ռուբեն Ռուբինյանը նրան կոչ արեց հանդարտվել և ավելի հանգիստ տոնով շարունակել ելույթը` պարզաբանելով, որ Եղոյանը ՀՅԴ–ին ֆիզիկապես արմատախիլ անելու մասին չէր խոսում։ «Հայաստան» խմբակցության պատգամավոր Արթուր Խաչատրյանն իր ելույթում հայտարարեց, որ այն, ինչ տեղի ունեցավ ԱԺ–ում, մաքուր բանականության գահավիժման պատմական դրսևորում էր։ «Պարո՛ն Եղոյան, չի կարող Ձեր միջից վերանա մի բան, որը երբեք Ձեր մեջ չի եղել` Դուք Ձեր էությամբ ՀՀՇ–ական եք եղել և դրանից սերված ՔՊ–ական»,– ասաց Խաչատրյանը։Կառավարության անդամների երդման տեքստը կփոխվիԵլույթ ունեցավ նաև նույն խմբակցության պատգամավոր Քրիստինե Վարդանյանը` նախ կոչ անելով Եղոյանին ավելի հանգիստ ելույթ ունենալ` հոգ տանելով իր իսկ առողջության մասին։ Նա ընդգծեց, որ որքան իշխանությունը պայքարի ՀՅԴ–ի դեմ, այնքան քաղաքական այս ուժն ուժեղանալու է։«Դուք այստեղ ֆաշիստական ելույթ ունեցաք։ Դուք երիտբոլշևիկներ եք. դուք ունեք այն նույն թիրախները, ինչ երիտթուրքերը և այն նույն գործիքակազմը, ինչ բոլշևիկյան մտածողությունը»,– ընդգծեց Վարդանյանը։ Նշենք, որ ԱԺ–ն քննարկում է «ՀՀ կառավարության կառուցվածքի մասին» օրենքի փոփոխությունները։