https://arm.sputniknews.ru/20260913/spvort-ev-eqstremal-turizm-inch-bardzrutjan-vra-e-ajsor-paraplanerizmy-hajastanum-106800224.html
Սպորտ և էքստրեմալ տուրիզմ․ ինչ «բարձրության» վրա է այսօր պարապլաներիզմը Հայաստանում
Սպորտ և էքստրեմալ տուրիզմ․ ինչ «բարձրության» վրա է այսօր պարապլաներիզմը Հայաստանում
Sputnik Արմենիա
Ամենաերկար թռիչքի հեռավորությունը կազմել է 100 կմ։ 13.09.2026, Sputnik Արմենիա
2026-09-13T17:16+0400
2026-09-13T17:16+0400
2026-09-13T17:16+0400
պարապլաներային սպորտ
հայաստան
տեսանյութ
տեսանյութեր
https://cdn.am.sputniknews.ru/img/07ea/09/0b/106751779_0:0:1280:720_1920x0_80_0_0_7a3dabd5d68d8bee4360981fa6465c89.jpg.webp
Պարապլաներիզմը գրավում է ոչ միայն պրոֆեսիոնալ մարզիկներին․ ավելի ու ավելի շատ մարդիկ են փնտրում նոր տպավորություններ, աճում է նաև էքստրեմալ տուրիզմի սիրահարների հետաքրքրությունը։ Այս մասին Sputnik Արմենիայի հետ զրույցում ասաց Aeroclub Armenia աէրոակումբի հիմնադիր Հարություն Աճեմյանը։Նրա խոսքով՝ առանձնահատուկ ժողովրդականություն են վայելում հրահանգիչների հետ թռիչքները։ Դրանք հնարավորություն են տալիս օդ բարձրանալ առանց երկարատև ուսուցման և Հայաստանի բնապատկերները տեսնել թռչնի թռիչքի բարձրությունից։ Ամենապահանջված ուղղություններից մեկը շարունակում է մնալ Սևանա լիճը։Տանդեմային թռիչքի համար հատուկ ֆիզիկական պատրաստվածություն չի պահանջվում, նշում է Աճեմյանը։ Ավելի կարևոր է առողջական ընդհանուր վիճակը։Միևնույն ժամանակ, պարապլանով մեկ անգամ թռչել ցանկացողների թիվը զգալիորեն ավելի մեծ է, քան նրանց, ովքեր պատրաստ են այս մարզաձևով մասնագիտորեն զբաղվել։Նրա խոսքով՝ թռիչքների ուսուցման դպրոցը գործում է 1998 թվականից, սակայն ամեն տարի դրա շրջանավարտ է դառնում ակումբի ընդամենը մոտ հինգ մասնակից։ Հիմնական գիտելիքները կարելի է ձեռք բերել մոտ 10 օրում, որից հետո սկսվում է գործնական պատրաստությունը։Աճեմյանի խոսքով՝ Հայաստանում պարապլաներիզմի զարգացմանը խոչընդոտում են մի շարք գործոններ։ Այս մարզաձևը պահանջում է մեծ համբերություն, ժամանակ և կանոնավոր մարզումներ։ Բացի այդ, զբաղվելը կապված է զգալի ֆինանսական ծախսերի հետ՝ ինչպես ուսուցման, այնպես էլ անհրաժեշտ սարքավորումների ձեռքբերման համար։Հայաստանում պարապլաներիզմը սկսել է զարգանալ 1996 թվականին, իսկ արդեն երկու տարի անց երկրում ստեղծվել է թռիչքների ուսուցման դպրոց։
2026
Լուրեր
am_HY
https://cdn.am.sputniknews.ru/img/07ea/09/0b/106751779_172:0:1132:720_1920x0_80_0_0_612642f4715c76292706415631d0a069.jpg.webp
պարապլաներային սպորտ, հայաստան, տեսանյութ, տեսանյութեր, видео
պարապլաներային սպորտ, հայաստան, տեսանյութ, տեսանյութեր, видео
Ամենաերկար թռիչքի հեռավորությունը կազմել է 100 կմ։
Պարապլաներիզմը գրավում է ոչ միայն պրոֆեսիոնալ մարզիկներին․ ավելի ու ավելի շատ մարդիկ են փնտրում նոր տպավորություններ, աճում է նաև էքստրեմալ տուրիզմի սիրահարների հետաքրքրությունը։ Այս մասին Sputnik Արմենիայի հետ զրույցում ասաց Aeroclub Armenia աէրոակումբի հիմնադիր Հարություն Աճեմյանը։
Նրա խոսքով՝ առանձնահատուկ ժողովրդականություն են վայելում հրահանգիչների հետ թռիչքները։ Դրանք հնարավորություն են տալիս օդ բարձրանալ առանց երկարատև ուսուցման և Հայաստանի բնապատկերները տեսնել թռչնի թռիչքի բարձրությունից։ Ամենապահանջված ուղղություններից մեկը շարունակում է մնալ Սևանա լիճը։
Տանդեմային թռիչքի համար հատուկ ֆիզիկական պատրաստվածություն չի պահանջվում, նշում է Աճեմյանը։ Ավելի կարևոր է առողջական ընդհանուր վիճակը։
Միևնույն ժամանակ, պարապլանով մեկ անգամ թռչել ցանկացողների թիվը զգալիորեն ավելի մեծ է, քան նրանց, ովքեր պատրաստ են այս մարզաձևով մասնագիտորեն զբաղվել։
«Այս մարզաձևի դժվարությունները կապված են պարապլաներիզմի առանձնահատկությունների հետ։ Ցավոք, այսօր երկարատև պարապմունքները, որոնց ընթացքում առաջընթացը պահանջում է ավելի շատ ժամանակ, զգալի ջանքեր և ֆինանսական ներդրումներ, աստիճանաբար դառնում են ավելի քիչ տարածված», – ասում է Աճեմյանը։
Նրա խոսքով՝ թռիչքների ուսուցման դպրոցը գործում է 1998 թվականից, սակայն ամեն տարի դրա շրջանավարտ է դառնում ակումբի ընդամենը մոտ հինգ մասնակից։ Հիմնական գիտելիքները կարելի է ձեռք բերել մոտ 10 օրում, որից հետո սկսվում է գործնական պատրաստությունը։
Միևնույն ժամանակ, դասընթացներն անցկացվում են միայն տարին մեկ անգամ՝ եղանակային և այլ պայմանների պատճառով։
Աճեմյանի խոսքով՝ Հայաստանում պարապլաներիզմի զարգացմանը խոչընդոտում են մի շարք գործոններ։ Այս մարզաձևը պահանջում է մեծ համբերություն, ժամանակ և կանոնավոր մարզումներ։ Բացի այդ, զբաղվելը կապված է զգալի ֆինանսական ծախսերի հետ՝ ինչպես ուսուցման, այնպես էլ անհրաժեշտ սարքավորումների ձեռքբերման համար։
Հայաստանում պարապլաներիզմը սկսել է զարգանալ 1996 թվականին, իսկ արդեն երկու տարի անց երկրում ստեղծվել է թռիչքների ուսուցման դպրոց։