Երկու տարեկան երեխա է մահացել, ևս յոթը վիրավորվել են Փարիզի արվարձաններից մեկում տեղի ունեցած պայթյունի հետևանքով: Ինչպես փոխանցում է «ՌԻԱ նովոստի»-ն, այս մասին կիրակի օրը հայտարարել է Սեն-Սեն-Դենի դեպարտամենտի պրեֆեկտուրան։
Կոմունայի քաղաքապետ Սոֆիեն Քարումին սոցիալական ցանցերում հայտնել է, որ ողբերգության պատճառը գազի արտահոսքն է եղել։ Նա հավելել է, որ վիրավորներից երկուսը դեռևս ծանր վիճակում են։
Figaro թերթի փոխանցմամբ՝ տունը, որտեղ տեղի է ունեցել պայթյունը, փլուզվել է։ Վնասվել են նաև երկու հարևան տներ և մոտակա մեքենաներ։