Ջերմատնային արտադրության որոշ ապրանքների համար փոխհատուցում կտրամադրվի նաև սեպտեմբերին

ՀՀ տարածքից ջերմատնային արտադրության առանձին ապրանքների աջակցության միջոցառման շրջանակում փոխհատուցում կտրամադրվի նաև սեպտեմբեր ամսվա համար: Այս մասին տեղեկացնում են էկոնոմիկայի նախարարությունից:

Նախագծով առաջարկվում է՝

Հայաստանի Հանրապետության տարածքից 2026 թվականի սեպտեմբեր ամսվա ընթացքում արտահանված ջերմատնային արտադրության առանձին ապրանքներ արտահանող տնտեսավարողներին տրամադրել փոխհատուցում հետևյալ չափերով՝

1) ելակի յուրաքանչյուր 1 կիլոգրամի համար՝ 770 ՀՀ դրամ․

2) լոլիկի յուրաքանչյուր 1 կիլոգրամի համար՝ 275 ՀՀ դրամ․

3) չերրի տեսակի լոլիկի յուրաքանչյուր 1 կիլոգրամի համար՝ 400 ՀՀ դրամ․

4) պղպեղի յուրաքանչյուր 1 կիլոգրամի համար՝ 400 ՀՀ դրամ․

5) պալերմո տեսակի պղպեղի յուրաքանչյուր 1 կիլոգրամի համար՝ 500 ՀՀ դրամ․

6) սմբուկի յուրաքանչյուր 1 կիլոգրամի համար՝ 200 ՀՀ դրամ․

7) ծաղիկի յուրաքանչյուր 1 հատի համար՝ 50 ՀՀ դրամ։