Saudi Aramco-ն մոտ ժամանակներս նախատեսում է ավելացնել նավթի մատակարարումները՝ չանցնելով Հորմուզի նեղուցով, հաղորդում է Reuters-ը։
Որոշումը կայացվել է այն բանից հետո, երբ այս ամիս ընկերությունը Չինաստան է առաքել առնվազն 4 մլն բարել հում նավթ։ Նեղուցով անցումների ժամանակ Aramco-ն օգտագործել է անջատված հետևման համակարգերով տանկերներ՝ հարձակումների ռիսկը նվազեցնելու համար։
Ընկերությունն ասիական գնորդներին առաջարկում է Arab Medium և Arab Heavy տեսակի նավթ՝ նավից նավ փոխաբեռնման (STS) միջոցով Ֆուջեյրայի կամ Սոհարի մերձակայքում, որոնք գտնվում են Հորմուզի նեղուցից դուրս։
Երկու սուպերտանկեր արդեն 4 մլն բարել սաուդյան նավթ է տեղափոխում Չինաստան։ Vortexa և Kpler ընկերությունների տվյալներով՝ բեռները նախատեսված են Sinopec-ի համար և պետք է սեպտեմբերին հասնեն Նինբո և Չժանցզյան նավահանգիստներ։
Անցած շաբաթ Aramco-ն նաև առնվազն 4 մլն բարել ծանր նավթ է վաճառել PetroChina-ին և Sinochem-ին՝ Ռաս Թանուրա նավահանգստից մատակարարումների վերսկսումից հետո։