Քաղաքականություն
26.08.2026 | 10:31
Հայաստանը չի խորհրդակցում ԵՏՄ դաշնակիցների հետ Եվրամիությանը միանալու նախապատրաստական աշխատանքների վերաբերյալ: Այս մասին ՌԻԱ Նովոստիին ասել է Ռուսաստանի ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը։
«Մենք տեսնում ենք զգալի ռիսկեր՝ կապված Եվրամիությանը Հայաստանի անդամակցելու՝ օրենսդրորեն ամրագրված նախապատրաստական աշխատանքների հետ, որոնք, ի դեպ, իրականացվում են Հայաստանի իշխանությունների կողմից առանց ԵՏՄ դաշնակիցների հետ որևէ խորհրդակցությունների»,- ասել է նա։
Ավելի վաղ էլ ՌԴ նախագահի մամուլի խոսնակ Դմիտրի Պեսկովը հայտարարել էր, որ ԵՄ-ին անդամակցության դիմումը ներկայացնելուց հետո Հայաստանը ստիպված կլինի մի շարք ոլորտներում իր օրենսդրությունը համապատասխանեցնել ԵՄ չափանիշներին, ինչը կվնասի երկրին՝ ԵՏՄ չափանիշների հետ հակասությունների պատճառով։
Թարգմանությունը՝ Էմմա Չոբանյանի