Հասարակություն
26.08.2026 | 07:53
ՀՀ երկրորդ նախագահի որդին՝ Սեդրակ Քոչարյանը կալանավորվել է: Այս մասին հայտնում է նրա փաստաբան Ալեքսանդր Կոչուբաևը:
Քոչարյանին կալանավորելու միջնորդության քննությունը սկսվել էր երեկ, ժամը 21:00-ին՝ դատավոր Վարդգես Ստեփանյանի վարույթում: Կալանքի որոշումը հրապարակվել է գիշերը:
Հիշեցնենք, որ երեկ մի քանի տասնյակ հասցեներում խուզարկություններից հետո ՀՀ երկրորդ նախագահ Ռոբերտ Քոչարյանը, ավագ որդին՝ Սեդրակ Քոչարյանն ու ևս 4 անձ ձերբակալվել է:
Ռոբերտ Քոչարյանին մեղադրանք է ներկայացվել պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու համար, իսկ Սեդրակ Քոչարյանը մեղադրվում է առանձնապես խոշոր չափերի փողերի լվացման, ինչպես նաև պաշտոնեական լիազորությունների չարաշահմանն ու առանձնապես խոշոր չափերի կաշառք ստանալուն օժանդակելու համար:
Արաքս Մամուլան