Ամերիկացի ռեփեր Քանյե Ուեսթի համերգը դեռ կարող է տեղի ունենալ Ռուսաստանում, բայց ոչ թե Սանկտ Պետերբուրգում, այլ մեկ այլ խոշոր քաղաքում, այս մասին RT-ին ասել է Ռուսաստանում հայտնիների համերգների կազմակերպիչներից մեկը՝ Եվգենի Ֆինկելշտեյնը։
Ի տարբերություն «SAY Agency» ընկերության, նա այլևս չի հավատում, որ «Գազպրոմ Արենա»-ից հայտարարություններից հետո ամերիկացի ռեփերի համերգը կկայանա Սանկտ Պետերբուրգում։
Վայրի սեփականատերերը նախկինում ընդգծել էին, որ իրենք «SAY Agency»-ի հետ վարձակալության պայմանագիր չունեն։
Իրավիճակին ծանոթ RT աղբյուրի խոսքով՝ ռեփերի հոնորարը գերազանցում է 20 միլիոն դոլարը (ավելի քան 1.6 միլիարդ ռուբլի)։ Ուեսթն արդեն ստացել է գումարի մի մասը, բայց աղբյուրը չի կարողացել ասել, թե որքան։
Ֆինկելշտեյնը կոնկրետ թվեր չի տրամադրել, բայց ասել է, որ Ուեսթի հոնորարը համարում է «խելագար»։ Նա նշել է, որ կազմակերպիչները՝ «SAY Agency»-ը, շտապել են համերգի մասին հայտարարելով՝ նույնիսկ նախքան դրա մասին տեղեկության հայտնվելն արտիստի կայքում. «Դա, սկզբունքորեն, արդեն տարօրինակ էր»։
Տոմսերի վերադարձը ներկայումս կազմակերպչի կայքում հասանելի չէ. ցուցադրվում է տեխնիկական սխալ, և խորհուրդ է տրվում գործակալության հետ ուղղակիորեն էլեկտրոնային փոստով կապվել։ Ֆինկելշտեյնը շեշտե; է, որ եթե կազմակերպիչները կասեցնեն տոմսերի վերադարձը, դա կլինի սպառողների իրավունքների խախտում։ Եթե վերադարձը մերժվի, նա խորհուրդ է տվել նախնական դատական հայցեր ներկայացնել։