Ֆուտբոլի Սաուդյան Արաբիայի առաջնության երկրորդ տուրում «Ալ Ահլին» սեփական խաղադաշտում 4:0 հաշվով վստահ հաղթանակ է տարել «Աբհայի» նկատմամբ։
Հայաստանի ազգային հավաքականի ավագ Էդուարդ Սպերցյանը դաշտ է դուրս եկել «Ալ Ահլիի» մեկնարկային կազմում ու գոլային փոխանցում է կատարել 5-րդ րոպեին։ 41-րդ րոպեին հայ կիսապաշտպանը ստացել է դեղին քարտ, իսկ 66-րդ րոպեին փոխարինվել է։
Դաշտի տերերի կազմում հեթ-տրիկի հեղինակ է դարձել անգլիացի հարձակվող Այվան Թոնին, մեկ գոլ էլ խփել է պորտուգալացի կիսապաշտպան Ֆրանսիշկու Տրինկաուին։
Էդուարդ Սպերցյանն «Ալ Ահլիի» կազմում անցկացրած 3 պաշտոնական խաղում դարձել է 2-ական գոլի ու ասիստի հեղինակ:
Դավիթ Եղիազարյան