Եվրամիությունը դատապարտել է Իսրայելի կառավարության կողմից Արևմտյան ափում բնակավայրի կառուցման մրցույթի հայտարարումը՝ դա որակելով անընդունելի:
Եվրահանձնաժողովի նախագահ Ուրսուլա ֆոն դեր Լայենը հայտարարել է, որ ԵՄ-ն դեմ է այդ քայլին: Նրա խոսքով՝ դա խաթարում է երկու պետության սկզբունքով կարգավորման հեռանկարը՝ բաժանելով Արևմտյան ափը և խախտելով պաղեստինյան տարածքների տարածական շարունակականությունը:
«Մենք հանձնառու ենք մնում արդար և տևական խաղաղությանը՝ հիմնված երկու պետության սկզբունքով կարգավորման վրա»,- նշել է նա:
Ավելի վաղ Իսրայելի որոշումը համատեղ հայտարարությամբ դատապարտել էին Մեծ Բրիտանիան, Ֆրանսիան, Գերմանիան, Իտալիան, Նիդերլանդները, Նորվեգիան և Կանադան՝ նշելով, որ ըստ միջազգային օրենքի՝ Արևմտյան ափում իսրայելական բնակավայրերն անօրինական են:
Դիտումների քանակ6