Օգոստոսի 15-ի լույս 16-ի գիշերը Լեհաստանի Սանոկ քաղաքում գտնվող Ժողովրդական շինարարության թանգարանի տարածքում խոշոր հրդեհ է տեղի ունեցել։
Ինչպես հայտնում է Onet-ը, կրակը ոչնչացրել է երեք պատմական շինություն, այդ թվում՝ վերջերս վերականգնված XVII դարի հռոմեական կաթոլիկ եկեղեցին, որը տեղափոխվել էր Բաչալ-Դոլնիից։
Կրակի դեմ մի քանի ժամ պայքարել են Սանոկի գավառից ավելի քան 120 հրշեջներ։ Նրանց հաջողվել է թույլ չտալ, որ բոցը տարածվի թանգարանի մյուս օբյեկտների վրա։
Հրդեհաշիջման ընթացքում տուժել է մեկ հրշեջ։
Հրդեհի պատճառն առայժմ անհայտ է։