ԱՄՆ-ն պատրաստվում է կոչ անել տասնյակ երկրների կողմ ընտրել Չինաստանի հետ արհեստական բանականության ոլորտում իրենց տեխնոլոգիական դիմակայության մեջ, գրել է Reuters-ը՝ հղում անելով ԱՄՆ պաշտոնյայի և ներքին նախագծի փաստաթղթի։
Երկրներին կարող են ասել, որ չինական մրցակցային նախաձեռնությանը մասնակցելը նրանց զրկելու է Վաշինգտոնի գլխավորած արհեստական բանականության կոալիցիային միանալուց։
Անցյալ տարի ԱՄՆ-ն մեկնարկել է «Pax Silica» նախաձեռնությունը, որի նպատակն է եղել ապահովել արհեստական բանականության մոդելների, կիսահաղորդիչների և կարևորագույն հանքանյութերի մատակարարման շղթաները Չինաստանի հետ տեխնոլոգիական մրցակցության պայմաններում։
Նախագծին միացել են մոտ 2 տասնյակ երկրներ, այդ թվում՝ Ճապոնիան, Ավստրալիան, Հարավային Կորեան և Ղազախստանը, որոնց Վաշինգտոնը դիտարկում է որպես կարևորագույն հանքանյութերի պոտենցիալ աղբյուր և նաև չինական նմանատիպ կոալիցիայի մաս են կազմում։