Երևան քաղաքի ընդհանուր իրավասության Նոր Նորքի դատարանի դահլիճից փախած տղամարդուն իրավապահները դեռ չեն հայտնաբերել։ Այդ մասին ասել են ՀՀ ներքին գործերի նախարարության մամուլի ծառայությունից, հայտնում է Sputnik Արմենիան:
«Ձեռնարկվում են օպերատիվ–հետախուզական միջոցառումներ տվյալ անձին հայտնաբերելու ուղղությամբ»,– հայտնել են ՆԳՆ–ից։
Դեպքը տեղի է ունեցել օգոստոսի 3-ին։
Լրատվամիջոցների տեղեկություններով՝ ընտանեկան բռնության գործով դատական նիստի ընթացքում դատավորը հայտարարել է մեղադրյալի նկատմամբ կալանքը որպես խափանման միջոց ընտրելու մասին։ Դրանից հետո՝ նիստի ավարտին, տղամարդը դուրս է եկել դատարանի դահլիճից և փախուստի դիմել։