ՆԳ նախարարը այցելել է Սյունիք, պահակակետերում հետևել է Ոստիկանության շուրջօրյա հերթապահությանը (տեսանյութ)
Հուլիսի 24-ին ՆԳ նախարար Արփինե Սարգսյանը Ոստիկանության գվարդիայի հրամանատար-ոստիկանության պետի տեղակալ Հայկ Բաբայանի ուղեկցությամբ այցելել է Սյունիքի մարզի սահմանային պահակակետեր, որտեղ ծառայություն են իրականացնում Ոստիկանության գվարդիայի ծառայողները։
Արփինե Սարգսյանը հետևել է ծառայությանը, հետաքրքրվել ծառայողների կեցության պայմաններով և բարեխիղճ ծառայության համար շնորհակալություն է հայտնել անձնակազմին։